ბოლო წლების განმავლობაში, ქართულმა კინოწარმოებამ საერთაშორისო ბაზარზე არა ერთ წარმატებას მიაღწია. იმისათვის, რომ საზოგადოებამ უფრო მეტი ინფორმაცია მიიღოს ქართულ კინოფილმებზე, კინოწარმოებასა და კინოინდუსტრიაზე, ნიუ ვიჟენ უნივერსიტეტმა ონლაინ პლატფორმა filmmaker.ge-სთან ერთად ერთობლივი პროექტი შექმნა.
პროექტის მიზანია, საზოგადოებას ახლოს გააცნოს თანამედროვე ქართული კინოინდუსტრია და ამ სფეროში მოღვაწე საინტერესო ადამიანები, პროექტის ფარგლებში შეიქმნა სამი სახეობის ვიდეო რგოლი:
- ❛გამოწვევები❜ – საშუალება გექნებათ გაეცნოთ ქართულ კინოში მიმდინარე პროცესებს და ნახოთ, თუ რა გამოწვევების წინაშე დგას ქართული კინოინდუსტრია.
- ❛გირჩევთ❜ – საინტერესო ადამიანები გვიზიარებენ თავიანთ საყვარელ კინო შედევრებს.
- ❛პროფესია❜ – განსხვავებული პროფესიის ადამიანები გვიყვებიან მათი როლის შესახებ კინოფილმების შექმნის პროცესში.