ზოგადი დებულებები
ეს წესი განსაზღვრავს უნივერსიტეტის მიერ სასკოლო ოლიმპიადის (შემდგომში – ოლიმპიადა) ჩატარების პირობებს.
ოლიმპიადის მიზნები
1. ოლიმპიადის მიზანია:
ა) სასწავლო პროცესის სტიმულირება, სწავლისადმი ინტერესების გაღვივება;
ბ) სამართლიანი, ობიექტური და გამჭვირვალე შეფასების სისტემის გამოყენებით ნიჭიერი
მოსწავლეების გამოვლენა და წახალისება;
გ) ზოგადსაგანმანათლებლო დაწესებულებებში მიმდინარე რეფორმის ხელშეწყობა.
ოლიმპიადის ტურები და მათი შედეგები
1. ოლიმპიადა საგნის/მიმართულების მიხედვით, როგორც წესი მოიცავდეს ორ ტურს:
ა) პირველი და მეორე ტური, რომელიც ტარდება ზოგადსაგანმანათლებლო დაწესებულებაში ონლაინ რეჟიმში;
2. ოლიმპიადის პირველი ტურის შედეგების საფუძველზე გამოვლინდებიან ოლიმპიადის ის მონაწილეები, რომლებიც მონაწილეობას მიიღებენ ოლიმპიადის მეორე ტურში.
3. მეორე ტურის შედეგების საფუძველზე გამოვლინდებიან ოლიმპიადის გამარჯვებულები.
4. ოლიმპიადის თითოეული ტური, სულ მცირე, ეფუძნება ეროვნულ სასწავლო გეგმას.
საგნები/მიმართულებები, რომლებშიც ტარდება ოლიმპიადა
1. ოლიმპიადა, მე-10, მე-11 და მე-12 კლასის/კლასების შესაბამისად, ტარდება შემდეგ საგნებში/მიმართულებებში:
ა) სიცოცხლის შემსწავლელი მეცნიერებები (ბიოლოგია, ქიმია, ფიზიკა ) კომბინირებული;
ბ) სოციალური მეცნიერებები (ესსეების კონკურსი ინგლისურ ენაზე)
გ) სამოქალაქო განათლება - სამართლებრივი საფუძვლები;
დ) სპორტული შეჯიბრი - ფეხბურთი.
ოლიმპიადის ტურების ჩატარების ფორმა
1. ოლიმპიადა, გარდა ამ მუხლის მე-2 პუნქტით დადგენილი გამონაკლისისა, ტარდება ტესტის/დავალების მეშვეობით, ელექტრონული ფორმით, Examjet-ის პლატფორმით, რომელთა კონფიდენციალობა დაცულია ოლიმპიადის დაწყებამდე.
2. სპორტული შეჯიბრი (ფეხბურთი) ტარდება უნივერსიტეტის მიერ განსაზღვრულ ქალაქში/ქალაქებში, ხოლო საპრიზო ადგილებისათვის ტური ტარდება თბილისში, უნივერსიტეტის ტერიტორიაზე.
3. ოლიმპიადის ტურზე ოლიმპიადის მონაწილის ტესტური/დავალების ნაშრომი საჭიროების შემთხვევაში, წარედგინება გამსწორებელს, რომელიც უზრუნველყოფს ოლიმპიადის მონაწილის კონფიდენციალობას.
4. ტესტირება, შესაბამისი მიმართულების მიხედვით, ოლიმპიადის ტურების შესაბამისად, როგორც წესი, ტარდება ერთდროულად.
5. ოლიმპიადის ტურის ტესტებს ასწორდებს უნივერსიტეტი.
ოლიმპიადის მონაწილე/გუნდები
1. ოლიმპიადაში მონაწილეობის უფლება აქვს ზოგადსაგანმანათლებლო დაწესებულების მე-10, მე-11 და მე-12 კლასის მოსწავლეს.
2. მე-10, მე-11 და მე-12 კლასის მოსწავლეები (სკოლის მიერ შერჩეული მოსწავლე ან დამოუკიდებლად უშუალოდ მოსწავლე) რეგისტრირდება:
- სიცოცხლის შემსწავლელი მეცნიერერების ტურისათვის - ბიოლოგიის, ქიმიისა და ფიზიკის საგნებში, ყველაზე მაღალი აკადემიური მოსწრების (სამივე საგანში მეტ-ნაკლებად დაბალანსებული ცოდნისა და უნარების მქონე) მოსწავლეს;
- ესსეების ტურისათვის - ინგლისურ ენაში ყველაზე მაღალი ენობრივი კომპეტენციის მოსწავლეს, რომელიც ასევე გამოირჩევა სოციალური მეცნიერებების მიმართ მაღალი ინტერესითა და შესაბამისი ცოდნის ფლობით;
- იურისპრუდენციისა და სამოქალაქო განათლების მიმართ მაღალი ინტერესის მქონე მოსწავლეს; შეძლებისდაგვარად იცავს გენდერულ ბალანსს.
3. ზოგადსაგანმანათლებლო დაწესებულება უფლებამოსილია, აირჩიოს ნებისმიერი მიმართულებიდან, თუ რომელში მიიღებს მონაწილეობას ან მონაწილეობა მიიღოს ოთხივეში. მოსწავლეს უფლება აქვს, მონაწილეობა მიიღოს რამდენიმე საგნის/მიმართულების ოლიმპიადაში ერთდროულად.
4. სპორტულ შეჯიბრში - ფეხბურთი მონაწილეობის მისაღებად ზოგადსაგანმანათლებლო დაწესებულება გუნდს ქმნის 8-10 მოსწავლის შემადგენლობით.
5. სპორტული შეჯიბრის - ფეხბურთის ფორმატი განისაზღვრება ცალკე დებულებით.
ოლიმპიადის ჩატარების ორგანიზება
1. ოლიმპიადის ჩატარებას ორგანიზებას და კოორდინაციას უწევს უნივერსიტეტი. ამ მიზნით უნივერსიტეტი მჭიდროდ თანამშრომლობს ყველა საჭირო სტრუქტურასთან.
2. ოლიმპიადის ჩატარების ორგანიზებისა და კოორდინაციის მიზნით უნივერსიტეტი ქმნის საორგანიზაციო კომიტეტს.
3. ოლიმპიადის მიზნებისათვის შეიძლება მოწვეული იქნეს სხვა უწყებისა და დარგის სპეციალისტები.
4. საორგანიზაციო კომიტეტი:
ა) უზრუნველყოფს ზოგადსაგანმანათლებლო დაწესებულებების ინფორმირებას ოლიმპიადაში მონაწილეების რეგისტრაციისათვის;
ბ) ატარებს ოლიმპიადის ტურებს საგნებში/მიმართულებებში დადგენილი პროცედურების შესაბამისად;
გ) ხელს უწყობს ოლიმპიადის მონაწილეთა რეგისტრაციის პროცესს, მონაწილეთა სიის გამოქვეყნებას უნივერსიტეტის ვებ გვერდზე;
დ) უზრუნველყოფს სხვა ისეთი პირობების შექმნას, რაც ხელს შეუწყობს ოლიმპიადის ჩატარებას.
5. ოლიმპიადის ჩატარებისთვის უნივერსიტეტი ადგენს ზოგადსაგანმანათლებლო დაწესებულებისათვის მინიმალურ კრიტერიუმებს. ამ მიზნებისათვის ზოგადსაგანმანათლებლო დაწესებულებამ უნდა უზრუნველყოს მის დაქვემდებარებაში მყოფი შენობიდან საჭირო ფართის გამოყოფა, რომელიც უნდა იყოს აღჭურვილი უწყვეტი დენის წყაროთი, კომპიუტერული ტექნიკით, ინტერნეტითა და ვიდეო თვალით. ზოგადსაგანმანათლებლო დაწესებულებამ უნივერსიტეტთან კომუნიკაციის და აუცილებლობის შემთხვევაში ზემოაღნიშნული კრიტერიუმების გამართულად მუშაობის მიზნით უნდა გამოყოს საკონტაქტო პირი დაწესებულების პერსონალიდან.
ტესტების/დავალების მომზადება
1. ოლიმპიადის თითოეული ტურისთვის ტესტებს/დავალებებს და შესაბამის შეფასების სქემებს შეიმუშავებს უნივერსიტეტი.
2. ოლიმპიადის თითოეული ტურისთვის შეიძლება შეირჩეს განსხვავებული სირთულის ტესტი/დავალება კონკრეტული ტურის შესაბამისად.
3. ტესტების/დავალებების შექმნის მიზნით უნივერსიტეტი უფლებამოსილია, მოიწვიოს შესაბამისი დარგის სპეციალისტები (სპეციალისტთა ჯგუფი).
რეგისტრაცია
1.ოლიმპიადაში მონაწილეობის მისაღებად, ზოგადსაგანმანათლებლო დაწესებულების მიერ შერჩეული მოსწავლე (მათ შორის მოსწავლეთა საფეხბურთო გუნდი) ან მოსწავლე დამოუკიდებლად რეგისტრაციას გადის სპეციალური სააპლიკაციო ელექტრონული ფორმის შევსების გზით.
2. ამ მუხლის პირველი პუნქტით გათვალისწინებული რეგისტრაცია მიმდინარეობს 2022 წლის 15 მარტის ჩათვლით.
3. ოლიმპიადის მონაწილის მიერ ოლიმპიადაზე რეგისტრაციის მიზნით, ამ მუხლის პირველი პუნქტით განსაზღვრული სააპლიკაციო ელექტრონული ფორმა ზოგადსაგანმანათლებლო დაწესებულების ან მოსწავლის მიერ იგზავნება უნივერსიტეტის ელექტრონულ პორტალზე.
ოლიმპიადის ტურის ჩატარების დრო
1. ოლიმპიადის ტურები ტარდება უნივერსიტეტის მიერ განსაზღვრული განრიგის შესაბამისად.
2. ოლიმპიადის განრიგი განისაზღვრება ისე, რომ ოლიმპიადის მონაწილეს შეეძლოს სხვადასხვა საგნის/მიმართულების ოლიმპიადაში მონაწილეობა ამ წესით დადგენილი მოთხოვნების შესაბამისად.
3. ოლიმპიადის გამართვის თარიღები, ტურები, დაწყების დრო და დროის
ხანგრძლივობა გამოქვეყნდება უნივერსიტეტის ვებ გვერდზე.
საინფორაციო შეხვედრა
ოლიმპიადის თითოეული გასამართი ტურის/წერითი დავალების წინ ზოგადასაგანმანათლებლო დაწესებულებისათვის, მონაწილეებისათვის იმართება ონლაინ საინფორმაციო შეხვედრა, უნივერსიტეტის მეშვეობით სპეციალური პლატფორმის google meet-ის გამოყენებით.
ოლიმპიადაში მონაწილეთა რეგისტრაციისა და სხვა მნიშვნელოვან საკითხებთან დაკავშირებით შეკითხვებისათვის მონაწილეებს, დაინტერესებულ პირებს, შეუძლიათ ისარგებლონ სოციალური ქსელის Facebook ნიუ ვიჟენ „სასკოლო ოლიმპიადა 2022“ დახმარებით.
ოლიმპიადის ტური
1. ოლიმპიადის ტურის ტესტების გასწორების შემდგომ უნივერსიტეტის მიერ დგება ოლიმპიადის მონაწილეთა პირველადი რეიტინგული სია კონკრეტული საგნის/მიმართულების და სკოლების შესაბამისად.
2. ოლიმპიადის პირველი ტურის საფუძველზე გამოვლინდებიან ოლიმპიადის ის მონაწილეები, რომლებიც მოიპოვებენ ოლიმპიადის მეორე ტურში მონაწილეობის უფლებას. ოლიმპიადის მეორე ტურში მონაწილეობის უფლება აქვს ოლიმპიადის იმ მონაწილეს, რომელმაც ოლიმპიადის პირველ ტურში დააგროვა შესაბამისი საგნის ტესტის მაქსიმალური ქულის 75%-ზე მეტი. ოლიმპიადის მეორე ტურში მონაწილეობის მიღების უფლება აქვს ოლიმპიადის პირველ ტურში გამარჯვებულ მონაწილეს.
3. ოლიმპიადის მეორე (ფინალური) ტურის გამარჯვებულია ოლიმპიადის ის მონაწილე, რომელმაც ოლიმპიადის მეორე ტურში დააგროვა შესაბამისი საგნის ტესტის მაქსიმალური ქულის 50%-ზე მეტი, ტურში შემავალი საგნების ტესტური დავალებების 75%-ზე მეტი ქულა და მოხვდა საგნის რეიტინგული სიის პირველ სამეულში.
4. ოლიმპიადის მეორე (ფინალური) ტურის გამარჯვებულია ოლიმპიადის ის მონაწილე, რომლის ქულა ემთხვევა ამ მუხლის მეოთხე პუნქტით გათვალისწინებულ რეიტინგულ სიაში მესამე ადგილზე მყოფი მოსწავლის ქულას.
5. ოლიმპიადის პირველი ადგილის მფლობელია (გამარჯვებულია) ოლიმპიადის ის მონაწილე, რომელმაც მეორე ტურში დააგროვა შესაბამისი საგნის (კომბინირებული) ტესტის მაქსიმალური ქულის 75%-ზე მეტი და მოხვდა შესაბამისი საგნის რეიტინგული სიის პირველ ადგილზე. იმ შემთხვევაში, თუ გამარჯვებულის გამოვლენისას ოლიმპიადის მონაწილეებს თანაბარი ქულები აღმოაჩნდებათ, რეიტინგის განსაზღვრის მიზნით, გათვალისწინებული იქნება თანაბარი ქულების მქონე ოლიმპიადის მონაწილეების პირველი ტურში მიღებული ქულები.
6. ოლიმპიადის საპრიზო ადგილზე გასულად ითვლება და მე-2-მე-3 ადგილის მფლობელია (გამარჯვებულია) ოლიმპიადის ის მონაწილე, რომელმაც მესამე ტურში დააგროვა შესაბამისი საგნის (კომბინირებული) ტესტის მაქსიმალური ქულის 60%-ზე მეტი და მოხვდა შესაბამისი საგნის რეიტინგული სიის მე-2-მე-3 ადგილზე. იმ შემთხვევაში, თუ გამარჯვებულის გამოვლენისას ოლიმპიადის მონაწილეებს თანაბარი ქულები აღმოაჩნდებათ, რეიტინგის განსაზღვრის მიზნით, გათვალისწინებული იქნება თანაბარი ქულების მქონე ოლიმპიადის მონაწილეების პირველ ტურში მიღებული ქულები.
7. სამოქალაქო განათლების - სამართლებრივი საფუძვლები ოლიმპიადის ტური იმართება შემდეგი ფორმატით: პირველი ტურის - პრე-ტესტი; მეორე ეტაპში გადასულ მონაწილეებს კი მიეცემათ შესაბამისი დავალება და განესაზღვრებათ მომზადებისათვის საჭირო ვადა.
8. ოლიმპიადის მომდევნო ტურში გასული და გამარჯვებული ოლიმპიადის მონაწილეების სია უნივერსიტეტის მიერ გამოქვეყნდება უნივერსიტეტის ოფიციალურ ვებგვერდზე.
ესსეს კონკურსი
1. ესეეს კონკური იმართება ინგლისურ ენაზე.
2. ესსეს კონკურსის მიზანია, მოსწავლემ გამოავლენოს კომპეტენცია, მათ შორის: ისტორიისა და ინგლისური ენის ცოდნა, აკადემიურ წერაში, ანალიტიკურ უნარებში, კრიტიკული აზროვნება დამოუკიდებლად მუშაობის უნარი.
3. ესსეს დასაწერად მოსწავლეს ეძლევა 3 საათი, რა დროშიც მას აქვს წვდომა ინტერნეტთან და შესაძლებლობა, მოიძიოს ინფორმაცია, დაამუშაოს და მაღალი ხარისხის ნაშრომი შექმნას. მოსწავლემ უნდა მიუთითოს გამოყენებული წყაროები. ნაშრომი არ უნდა აღემატებოდეს 500 სიტყვას.
4. მოსწავლის ნაშრომი ფასდება ორ ეტაპად:
ა) პლაგიატზე შემოწმება;
ბ) ინგლისური ენის ცოდნა (40 ქულა); გამოყენებული ლიტერატურის სანდოობა და ხარისხი (20 ქულა); არგუმენტირებული მსჯელობა და ანალიზის უნარი (20 ქულა); შემუშავებული რეკომენდაციებისა და დასკვნების ორიგინალურობა/ინოვაციურობა (20 ქულა).
5. საუკეთესო 3 ნაშრომი შეფასდება ჟიურის მიერ.
ტესტირების მიმდინარეობა
1. ოლიმპიადის ტესტირების ჩატარების ფორმას და დროს განსაზღვრავს უნივერსიტეტი.
2. ოლიმპიადის მონაწილე ვალდებულია:
ა) დროულად გამოცხადდეს ტესტირებაზე. დაგვიანებული მონაწილე ტესტირებაზე არ დაიშვება;
ბ) შეასრულოს ამ წესით გათვალისწინებული სხვა ვალდებულებები და ოლიმპიადის პროცესის მონაწილის ცალკეული მითითებები.
დ) არ დატოვოს ტესტირების ადგილი უნებართვოდ.
3. ოლიმპიადის მიზნებისათვის, ზოგადსაგანმანათებლო დაწესებულების იმ ფართში (ოთახში/საკლასო ოთახში), სადაც მონაწილე გადის ტესტირების/წერითი დავალების ტურს, მონაწილის ტესტირების/წერითი დავალების შესრულებაზე ზედამხედველობის მიზნით ტესტრების დაწყებიდან დასრულებამდე ჩართული უნდა იყოს ვებ კამერა.
4. ამ თავის მე-2 პუნქტით გათვალისწინებული მოთხოვნების დარღვევის შემთხვევაში, ოლიმპიადის მონაწილეს მიეცემა გაფრთხილება. გაფრთხილების გარეშე ოლიმპიადის მონაწილის ტესტირებიდან მოხსნა შესაძლებელია წესრიგის უხეში დარღვევის, ტესტირების პროცესის მონაწილე პირის შეურაცხყოფის ან გამოუყენებლობის გამო.
5. ტესტირების მიმდინარეობისას ტესტირებაზე ყოფნის უფლების მქონე პირებს განსაზღვრავს უნივერსიტეტი.
ოლიმპიადის მონაწილეთა შეფასება, ჟიური
1. ოლიმპიადის მონაწილეთა შეფასების მიზნით, უნივერსიტეტმა შეიძლება შექმნას შემფასებელთა სპეციალური ჯგუფი (ჟიური).
2. შემფასებელთა სპეციალური ჯგუფის (ჟიური) წევრთა რაოდენობას განსაზღვრავს უნივერსიტეტი.
ოლიმპიადის მონაწილეების და ზოგადსაგანმანათლებლო დაწესებულებების დაჯილდოების ორგანიზაციული უზრუნველყოფა
1. ოლიმპიადის საგნებში/ტურებში/მიმართულებებში გამარჯვებული ოლიმპიადის მონაწილეებისთვის და ზოგადსაგანმანათლებლო დაწესებულებებისათვის გადასაცემი სიგელების, ოლიმპიადის გამარჯვებულთა დიპლომების ფორმას და ჯილდოებს (პრიზებს) ადგენს უნივერსიტეტი.
2. გამარჯვებული სკოლების გამოსავლენად გათვალისწინებული იქნება ოლიმპიადის რამდენ მიმართულებაში მოიპოვებს სკოლა საპრიზო ადგილებს.
ზოგადსაგანმანათლებლო დაწესებულების დაჯილდოების მიზნით, ტურის/მიმართულების შესაბამისად, დგება ზოგადსაგანმანათლებლო დაწესებულებების რეიტინგული სია უმაღლესიდან უმდაბლესისკენ.
1. ტურნირის მიზანი
ტურნირის მიზანია ამ დებულებით განსაზღვრული ქალაქების ზოგადსაგანმანათლებლო დაწესებულების მოსწავლეებს შორის ცხოვრების ჯანსაღი წესის დამკვიდრება, მასობრივი დანერგვა, ფეხბურთის განვითარება და პოპულარიზაცია, გამარჯვებული სკოლის გუნდებისა და ნიჭიერი საუკეთესო მოთამაშეების გამოვლენა, ნიუ ვიჟენ უნივერსიტეტის საფეხბურთო კლუბისათვის სასურველი კანდიდატურების შერჩევა.
2. ტურნირის ორგანიზება
ტურნირის ორგანიზებას და განხორციელებას უზრუნველყოფს „ნიუ ვიჟენ უნივერსიტეტი“.
3. ტურნირში მონაწილეობა და რეგისტრაცია
1. ტურნირში მონაწილეობის უფლება აქვს თბილისის, ბათუმის, ქუთაისის, ფოთის, ზუგდიდის, თელავის, გორის, რუსთავის სკოლების მე-10 მე-11 და მე-12 კლასის მოსწავლეებისაგან შექმნილ გუნდებს. ტურნირში თითოეული სკოლიდან მონაწილეობს ერთი გუნდი.
2. ტურნირში მონაწილეობის მისაღებად სკოლის გუნდები რეგისტრაციას გადიან ზოგადსაგანმანათლებლო დაწესებულების მეშვეობით სპეციალური სააპლიკაციო ელექტრონული ფორმის შევსების გზით 2022 წლის 15 მარტის ჩათვლით.
3. მონაწილე გუნდების რეგისტრაციის მიზნით მეორე პუნქტით განსაზღვრული სააპლიკაციო ელექტრონული ფორმა სკოლიდან იგზავნება უნივერსიტეტის ელექტრონულ პორტალზე.
4. სკოლამ გუნდის სარეგისტრაციო განაცხადში შეიძლება შეიყვანოს არაუმეტეს 10 მონაწილისა (მე-10-12 კლასის მოსწავლე). რეგისტრირებულ განაცხადში სკოლას უფლება აქვს განახორციელოს ცვლილება იმავე სკოლის შესაბამისი კლასის მოსწავლით, თუ შეიქმნა შესაბამისი ობიექტური გარემობა, რასაც იმავე განაცხადის ფორმით უგზავნის ტურნირის ორგანიზატორს და აცნობებს ამის თაობაზე.
5. სკოლის გუნდის შემადგენლობაში მყოფ მონაწილეს (მოსწავლეს) არ აქვს უფლება იმავე ტურნირში მონაწილეობა მიიღოს სხვა სკოლის გუნდის თამაშში.
4. ტურნირის ჩატარების სისტემა, ადგილი და დრო
1. ტურნირი ტარდება ოლიმპიური სისტემით.
2. ტურნირის პირველი ეტაპი ტარდება შემდეგი პირობებით: ტურნირის ჩატარების მიზნით ქალაქების სკოლები განაწილებულები იქნებიან აღმოსავლეთის და დასავლეთის კალათებში.
ა) აღმოსავლეთის კალათაში შედიან: თბილისის, რუსთავის, გორის და თელავის სკოლის
გუნდები;
ბ) დასავლეთის კალათაში შედიან: ქუთაისის, ბათუმის, ფოთის და ზუგდიდის სკოლის
გუნდები.
3. თითოეული ქალაქის სკოლის გუნდი წყვილდება და წილისყრით ხვდება იმავე ქალაქის სკოლის გუნდს. პირველივე წაგების შემთხვევაში გუნდი წყვეტს ასპარეზობას და ეთიშება ტურნირს. თითოეული ქალაქიდან გამოვლინდება ერთი გამარჯვებული სკოლის გუნდი.
4. ტურნირის მეორე ეტაპზე (მე-4 ფინალი) მონაწილეობას იღებენ 8 ქალაქის გამარჯვებული სკოლის გუნდები (ქალაქიდან გამარჯვებული სკოლის გუნდი). მე-4 ფინალში მონაწილე სკოლის გუნდებს შორის წყვილები გამოვლინდება წილისყრით. მე- 4 ფინალში გამარჯვებული სკოლის გუნდები წილისყრით შეხვდებიან ნახევარფინალში, რომელიც გამოავლენს ფინალისტებს. ნახევარფინალში დამარცხებული გუნდები ერთმანეთს შეხვდებიან მე-3 ადგილის მოსაპოვებლად.
5. ტურნირის პირველი ეტაპი ჩატარდება სკოლის გუნდის ქალაქშივე, ხოლო მეორე ეტაპი მე-4 ფინალიდან ფინალის ჩათვლით თამაშები გაიმართება თბილისში -„ნიუ ვიჟენ უნივერსიტეტის“ ინტერის აკადემიის მოედნებზე.
6. პირველი და მეორე ეტაპის თამაშების ფრედ დასრულების შემთხვევაში ინიშნება პენალტების სერია.
7. ტურნირის დაწყების თარიღი, თამაშების დრო და ადგილი გამოქვეყნდება უნივერსიტეტის ვებ-გვერდზე.
5. ტურნირის ჩატარების პირობები
1. მოედანზე თამაშის დროს ერთდროულად შეიძლება იყოს 6 მოთამაშე (1 მეკარე 5
მოთამაშე). თამაშის დრო ცვლილების რაოდენობა შეუზღუდავია და მოთამაშის შეცვლა
ხდება ტაიმებს შორის შესვენებისას, ასევე თამაში დრო ბურთის ცენტრალური ხაზის
გადაკვეთისას. მეკარის მიერ ბურთის თამაშში შეყვანის შემდეგ აკრძალულია მეკარის
მიერ ბურთის ხელში აღება მისივე თანაგუნდელისაგან.
2. თამაში შედგება ორი 15-15 წუთიანი ტაიმებისაგან. ტაიმებს შორის შესვენება 5 წუთი.
6. სადისციპლინო სასჯელი
1. მოთამაშის მიერ ორი ყვითელი ბარათის ან პირდაპირ წითელი ბარათის მიღების შემთხვევაში მოთამაშე გაძევებული იქნება მოედნიდან მატჩის ბოლომდე შეცვლის გარეშე.
2. ტურნირში მონაწილე გუნდის სარეგისტრაციო განაცხადში არ მყოფი პირის თამაშის შემთხვევაში, ორგანიზატორს უფლება აქვს დამრღვევი სკოლის გუნდს ჩაუთვალოს წაგება და მოხსნას ტურნირიდან.
3. მატჩზე გამოუცხადებლობის ან 15 წუთით დაგვიანების შემთხვევაში გუნდს ჩაეთვლება
წაგება და მოიხსნება ტურნირიდან.
7. დაჯილდოება
ტურნირის გამარჯვებულს გადაეცემა „ნიუ ვიჟენ უნივერსიტეტის“ თასი. მეორე და მესამე ადგილზე გასულ გუნდებს გადაეცემათ სპეციალური პრიზები.
რეგისტრაცია
(ივსება ზოგადსაგანმანათლებლო დაწესებულების ან მოსწავლის მიერ)
აირჩიეთ მიმართულება/მიმართულებები, რომელშიც მიიღებს სკოლა მონაწილეობას: