რენატ ახმეროვს დამთავრებული აქვს ყაზანის სახელმწიფო უნივერსიტეტი. 1996 წელს დაასრულა ინტერნატურა ბრაზილიაში თავისა და კისრის ქირურგიის განხრით პლასტიკური ქირურგიის განყოფილებაში, Hospital das Clínicas da Unicamp-ში. 1997 წელს დაასრულა ინტერნატურა ზოგად ქირურგიასა და ყბა-სახის ქირურგიაში Borgo Roma Hospital-ში, იტალიაში. 1999 წელს მიიღო მაგისტრის ხარისხი, დაიცვა სამაგისტრო თეზისი „მაგნიტურ-რეზონანსული ტომოგრაფია, მწვავე ანთების კერის დახასიათება ოდონტოგენური წარმოშობის დაავადების დროს“. ასევე, გაიარა კვალიფიკაციის ამაღლების კურსი ოტო-რინო-ლარინგოლოგიურ ქირურგიაში კილის საუნივერსიტეტო კლინიკაში (გერმანია). 1999 – 2003 წლებში გახლდათ ოტო-რინო-ლარინგოლოგი და ყბა-სახის ონკოლოგი თათრეთის რესპუბლიკის კლინიკურ ონკოლოგიურ ცენტრში. რენატმა გაიარა კვალიფიკაციის ამაღლების კურსი პლასტიკურ ქირურგიაში მიუნხენსა (გერმანია) და რიო-დე-ჟანეიროში (ბრაზილია) 2001 წელს. 2003-2007 წლებში ის იყო პლასტიკური და ყბა-სახის ქირურგია ი. მ. სეჩენოვის სახელობის მოსკოვის სახელმწიფო პირველ სამედიცინო უნივერსიტეტში. რენატ ახმეროვმა, 2006 წელს, მიიღო სადოქტორო ხარისხი, დაიცვა რა სადოქტორო თეზისი „კომპლექსური მაგნიტურ-რეზონანსული დიაგნოსტიკა და ქირურგიული დაავადებების EMG-მონიტორინგი ყბა-სახის არეში“.
რენატ ახმეროვი გახლავთ სახისა და ტანის პლაზმოლიფტინგის მეთოდის შემქმნელი და შემმუშავებელი, რომელიც კანის გასაახალგაზრდავებლად და აღსადგენად გამოიყენება. ასევე, ის არის შემქმნელი და წარმომდგენია პლაზმოლიფტინგის ფხვნილისა – მეთოდი ეფუძნება სისხლის დეჰიდრატირებული აუტოლოგიური პლაზმის გამოყენებას.
რენატ ახმეროვი მფლობელია შემდეგი პატენტების:
- „რბილი ქსოვილების ზრდის ტექნიკა თერმულად დამუშავებული სისხლის აუტოლოგიური პლაზმის გამოყენებით“;
- „ყბა-სახის ქირურგიის დროს ძვლის წარმოქმნის ადგილას ლორწოვანი გარსის ჩაზრდის ხელშემშლელი ბარიერული მემბრანის მომზადების ტექნიკა“;
- „სახის გაჭიმვის არაქირურგიული ახალი ტექნიკა სისხლის აუტოლოგიური პლაზმის გამოყენებით“;
- „ლორწოვანი გარსის ანთების მკურნალობის მეთოდი სისხლის დეჰიდრატირებული აუტოლოგიური პლაზმის გამოყენებით“.