სისხლის ბანკი

2 ოქტომბერს, 17 საათზე (ბოხუას 11, 316-ე აუდიტორია) გაიმართება მრგვალი მაგიდა სისხლისა და მისი კომპონენტების სამართლებრივ მოწესრიგებაზე. ღონისძიების ფარგლებში სამსჯელოდ შემოთავაზებულია სტუდენტების ოთხი პრეზენტაცია:

ანა კორინთელი: სისხლის „განწილვა“ (დონაცია) საქართველოში – სახელმწიფო პოლიტიკა და სისხლის ბანკების სამართლებრივი სტატუსი;

სოფო ტოლიაშვილი: აშშ-ის გამოცდილება სისხლის დონაციასთან დაკავშირებით;

მარიამ თინაშვილი: სისხლისა და მისი კომპონენტების სისხლისსამართლებრივი მოწესრიგება;

მარიამ ცერცვაძე: ჯანმრთელობის მსოფლიო ორგანიზაციის რეკომენდაციები სისხლის დონაციასთან დაკავშირებით.

დასწრება შეუძლია ნებისმიერ დაინტერესებულ პირს.

14 ივნისს, ნიუ ვიჟენ უნივერისტიტეტის სისხლის ბანკში სისხლის დონორთა საერთაშორისო დღე აღინიშნა. მოხალისეები სისხლის ბანკს ესტუმრნენ, გაიარეს კონსულტაცია და ბევრმა მათგანმა შეძლო სისხლის გაღება, რითაც გადაარჩინა სხვათა სიცოცხლე.

საერთაშორისო დღეს ნიუ ვიჟენ უნივერისტეტის სტუდენტებიც გამოეხმაურნენ, მათ ბევრი საინტერესო და კრეატიული პოსტერი შექმნეს სისხლის დონაციისა და სისხლის დონორთა მსოფლიო დღის შესახებ. ამ პოსტერებით მათ საკუთარი შეხედულება და გამოცდილება გაუზიარეს საზოგადოებას და მოუწოდეს სხვებსაც, გაიღონ სისხლი სხვათა გადასარჩენად.

14 ივნისს, სისხლის დონორთა საერთაშორისო დღესთან დაკავშირებით, ნიუ ვიჟენ უნივერისტეტის სისხლის ბანკი ესტუმრა ალექსანდრე ალადაშვილის სახელობის კლინიკას. კლინიკის თანამშრომლებმა სისხლი უანგაროდ გაიღეს.

აქცია მიზნად ისახავდა საზოგადოების ცნობიერების გაფართოებასა და სისხლის კომპონენტების ხელმისაწვდომობის გაზრდას.

1 მაისს, მედიცინის სკოლის ინდოელმა სტუდენტებმა ინდური ნაციონალური დღესასწაული – მაჰარაშტრას დღე სისხლის გაღების აქციით აღნიშნეს.

მაჰარაშტრას დღე ინდურ კულტურაში სიკეთისა და ქველმოქმედების დღედაა აღიარებული. სწორედ ამის საუკეთესო გამოხატულებად მიიჩნიეს ინდოელმა სტუდენტებმა სისხლის გაღების აქცია და კიდევ ერთხელ შეახსენეს საზოგადოებას სისხლის გაღების მნიშვნელობა.

16 თებერვალს, სისხლის უანგაროდ გაღების პროპაგანდას საფუძველი უშუალოდ ნიუ ვიჟენ საუნივერსიტეტო ჰოსპიტლის თანამშრომლებმა ჩაუყარეს. კამპანია მიზნად ისახავს საზოგადოების ცნობიერების გაფართოებასა და სისხლის კომპონენტების ხელმისაწვდომობის გაზრდას.

კონტაქტი: 0159  ქ.თბილისი, ბოხუას ქუჩა № 11

ტელ: 032 223-83-93

ელ-ფოსტა: bloodbank@old.newvision.ge