ნიუ ვიჟენ უნივერსიტეტის ინტერნაციონალიზაციის პოლიტიკა
ინტერნაციონალიზაცია უნივერსიტეტის ერთ-ერთი ძირითადი პრიორიტეტია და განიხილება განათლების, კვლევისა და სიახლის დანერგვის და გაზიარების ხელშეწყობის არსებით ინსტრუმენტად, რაც ასევე სოციალური პასუხისმგებლობის, ღია და ტოლერანტული დამოკიდებულების განვითარების საშუალებაა.
უნივერსიტეტის ინტერნაციონალიზაციის ამოცანაა უნივერსიტეტი ჩამოაყალიბოს გამორჩეულ ინსტიტუციად, საზოგადოების მოთხოვნებზე მორგებული ინოვაციებით, ინტერდისციპლინარული და ტრანსდისციპლინარული კვლევებით.
უნივერსიტეტი მტკიცედ უჭერს მხარს იმ ღონისძიებებს, რომლებიც საქართველოსა და სხვა ქვეყნების პროფესორებს, მეცნიერებს, სტუდენტებს, დაწესებულებებსა და ზოგადად საზოგადოებას ერთმანეთთან აახლოებს ურთიერთსასარგებლო თანამშრომლობის მიზნით.
ინტერნაციონალიზაცია, როგორც სწავლების და კვლევის ხარისხის გაუმჯობესების დომინანტი პარამეტრი, ხორციელდება ოთხი ძირითადი მიმართულებით:
- საგანმანათლებლო პროგრამებისა და კვლევების ინტერნაციონალიზაცია
- ერთობლივი პროგრამების/პროექტების შემუშავება და განხორციელება
- თანამედროვე ტექნოლოგიების დანერგვა
- სტუდენტებისა და პერსონალის საერთაშორისო მობილობა
- უნივერსიტეტთან აფილირებული უცხოელი აკადემიური პერსონალის მოზიდვა
- მსოფლიოს სხვადასხვა ქვეყნიდან სტუდენტების მიღება პროგრამებზე
- საერთაშორისო კონფერენციების და კულტურული ინტეგრაციის ღონისძიებების ორგანიზება
- საუნივერსიტეტო მულტიკულტურული გარემოს შექმნა
- საერთაშორისო ორგანიზაციებსა და ქსელებში გაწევრიანება
- საერთაშორისო რანჟირების სისტემებში უნივერსიტეტის ჩართვა
- საერთაშორისო აკრედიტაციის მოპოვება პროგრამებზე
- საზოგადოების ჩართულობა და სოციალური პასუხისმგებლობის გაზიარება