ნიუ ვიჟენ უნივერსიტეტის პროფესორი სოფიო ჩაჩავა ურთიერთთანამშრომლობის მემორანდუმისა და სასწავლო მობილობის პროგრამის ფარგლებში 20-25 ნოემბრის კვირაში მასპინძელი უნივერსიტეტის მოწვევით აკადემიური ვიზიტით იმყოფებოდა VIVES (University for Applied Science, Belgium, Kortrijk) უნივერსიტეტში (ბელგია). საერთაშორისო აკადემიური გაცვლითი კვირეულის ფარგლებში სოფიო ჩაჩავამ მოწვეული ლექტორის სტატუსით ჩაატარა ინტენსიური ლექცია/ვორქშოპი მოლაპარაკების უნარებში, მედიაციასა და ეფექტიან კომუნიკაციაში ბიზნესის პროგრამის სტუდენტებისთვის.
საერთაშორისო კვირეულის დასკვნით ეტაპზე გაიმართა მოწვეული უნივერსიტეტების წარმომადგენელთა მიერ უნივერსიტეტების წარდგენა სტუდენტების, საუნივერსიტეტო გუნდისა და სტუმრებისათვის. ვიზიტის ფარგლებში გამოიკვეთა არაერთი მიმართულებით თანამრომლობის ინტერესი და შესაძლებლობა. მოლოდინი გვაქვს, რომ VIVES -უნივერსიტეტთან აკადემიური თანამშრომლობა გაგრძელდება და გაღრმავდება.