6 დეკემბერს ნიუ ვიჟენ უნივერსიტეტში გაიმართა Jean Monnet-ის „ევროპული კორპორაციული მმართველობისა და სტანდარტებთან შესაბამისობის” მოდულის პრეზენტაცია. ღონისძიებაში მონაწილეობა მიიღეს ნიუ ვიჟენ უნივერსიტეტის აკადემიური საბჭოს თავმჯდომარემ დავით კერესელიძემ, სამართლის სკოლის დეკანმა გაგა გაბრიჩიძემ, მოდულის კოორდინატორმა თომას კრუსმანმა და ევროპის ბიზნეს ასოციაციის აღმასრულებელი დირექტორის მოადგილემ მარიამ ხუჭულორიამ.
ჟან მონეს მოდულმა დაფინანსება მოიპოვა 2022 წელს ევროკავშირის ERASMUS+ პროგრამის ფარგლებში. პროექტის მიზანია, უნიკალური გარემოს შექმნა, სადაც ყველა დაინტერესებულ მხარეს, როგორიცაა ბიზნესის წარმომადგენლები, კორპორატიული პრაქტიკოსები, სტუდენტები, აკადემიის წევრები, ექნებათ შესაძლებლობა განიხილონ და შეიმუშაონ რეკომენდაციები საპასუხისმგებლო ბიზნესის ქცევის, კორპორატიული მდგრადობის, რისკების მართვისა და შესაბამისობის გასაუმჯობესებლად. გახსნითი ღონისძიება გაიმართა ევროპის ბიზნეს ასოციაციასთან (EBA) და გაეროს გლობალური შეთანხმების საქართველოს წარმომადგენლობასთან თანამშრომლობით.